Monday, February 9, 2009

موجز أنباء سيد ابو حفيظة

اتعس الله مسائكم
 
 
موجز انباء الخامسه والعشرون
 يقدمها لكم اللى مش سيد ابو حفيظة
من ورا دوار العمدة فى قرية ابو نصيبة
 
 صرح الحج كوز درة ابو احمد من الغيط
 ان القرية عملت لوحة شجب كبيرة واتعلقت بمسمارين علي الحيط 
  والحج مفتول العضل مسئول ان محدش يكتب عليها اى شخابيط
و ممنوع قدامها التجمهر والصوت العالى و الشخيط
 و اللى مش عجبه فالبحر خلص وممكن يروح يشرب من المحيط

 و بسؤاله عن الازمة الحالية قال ديه فى الواقع حبة لخابيط

 اصل كفر المتحمس الشهيد مش اد عيلة الحاجة استطيان تظبيط

 و عشان نحميهم من نفسهم قفلنا عليهم العشة بإبرة و خيط

 وديه تعليمات حكيم القرية اللى همه الاول المواطن البسيط 

و اكد حضرته ان اهل القرية لازم يقدروا اننا عملنا مجهودات بالعبيط

 و انتجنا اغنيتين دعم و مساندة للمطرب العالمى عطاعيط

 وعشان محدش من القرية يموت من الغيظ ويخبط دماغه فى الحيط

 وفرنا اتوبيسات سياحية فاخرة للى عايزيروح يشرب من المحيط

 و ختم حضرته بإن كل اهل القرية حجزوا فيها خمس سنين لقدام بالتقسيط

 انتهى موجز الانباء و مش محتاج لتفصيل

2 comments:

Ma 3lina said...

Wow that was hilarious !!

I liked el sage3 of each line..

U know it is right all our new are the same bull shift

Well written :))

akram hosny said...

hi tamer this is akram hosny i just wanted to contact u regarding your ideas for (Sayd abo hafiza) and i dnt knw how we can contact each others.
here is my email: akram_hosny@hotmail.com
waiting for your reply
thank u..