Thursday, February 8, 2018

الشئ


الظروف في بلدنا كانت نيلة بعض الشئ 
والواحد كان نفسه يعمل ليها اي شئ
والعبد لله ماكنش طمعان قوي في شئ
حاولنا نصنع فيها شئ لزوم الشئ 
يغير من حياتنا ولوحتي في اي شئ
او يرفع من مستوانا وكرامتنا شئ
لكن ربك كريم اللي خلق كل شئ
يوجد في عز العتمة من بعيد قوي شئ
ويحول النية الصغيرة لأكبر شئ
ويغير من كل شئ من اجل اصغر شئ
وما تفتكرش اللي حصل ده كل شئ
ده لسه القدر مخبي اشياء مش مجرد شئ
والله اعلم نصيبنا ايه في زحمة كل شئ
كان ليا طلب قديم مش حيفرق شئ
يمكن يهدي قلب موجوع من كذا شئ
يا ريت حد يساعد الغلبان ده بشئ
ورب العباد هو وحده القادر علي كل شئ
ونحن نسأل  و الخالق لا يســأل عن اي شئ
وسلامي لعم نجم اللي عمل من البتاع شئ 

Sunday, March 15, 2009

بحلم

بحلم بحاجات كتير
منها الصغير والكبير
و منها اللى سارقوا الغير
بحلم نمشى عكس السير
والدنيا يملاها الخير
والناس من الفرحة تطير
لا فيهم غنى و لا فقير
ولا خلق وقفة فى طوابير
و بكلمة حق يصبح الحر منهم اسير
بحلم اصلى بالتغيير
و مش اى حد نجيبوا وزير
يطلع علينا بتصريح مثير
قال فبه بعد نظر وهو مالوش نظير
لاحيرجع اللى ماتوا تحت الجبل الخطير
ولابيمنع الاخوات يتخنقوا على باب الدير
وبرضو مجبلناش من الخير الوفير
بحلم و بدعى يا رب يا قدير
يختفى مننا كل شرير
والعمل فى بلدنا ييجى بعد تفكير
ونخطط لبكرة بحكمة و تدبير
ونراعيك فى حياتنا يا سميع يا بصير
يمكن ساعتها نعين عندنا للحب سفير
ونلغى من حياتنا شغلانة الغفير
و فى العيد نجتمع على الفرحة بالتكبير
بحلم وده حلمى الصغير
و متسقلنيش عن الحلم الكبير
بحلم بحاجات كتير

Monday, February 9, 2009

موجز أنباء سيد ابو حفيظة

اتعس الله مسائكم

موجز انباء الخامسه والعشرون

يقدمها لكم اللى مش سيد ابو حفيظة
من ورا دوار العمدة فى قرية ابو نصيبة

صرح الحج كوز درة ابو احمد من الغيط
ان القرية عملت لوحة شجب كبيرة واتعلقت بمسمارين على الحيط
والحج مفتول العضل مسئول ان محدش يكتب عليها اى شخابيط
و ممنوع قدامها التجمهروالصوت العالى و الشخيط
و اللى مش عجبه فالبحر خلص وممكن يروح يشرب من المحيط
و بسؤاله عن الازمة الحالية قال ديه فى الواقع حبة لخابيط
اصل كفر المتحمس الشهيد مش اد عيلة الحاجة استطيان تظبيط
و عشان نحميهم من نفسهم قفلنا عليهم العشة بإبرة و خيط
وديه تعليمات حكيم القرية اللى همه الاول المواطن البسيط
و اكد حضرته ان اهل القرية لازم يقدروا اننا عملنا مجهودات بالعبيط
و انتجنا اغنيتين دعم و مساندة للمطرب العالمى عطاعيط
وعشان محدش من القرية يموت من الغيظ ويخبط دماغه فى الحيط
وفرنا اتوبيسات سياحية فاخرة للى عايزيروح يشرب من المحيط
و ختم حضرته بإن كل اهل القرية حجزوا فيها خمس سنين لقدام بالتقسيط


انتهى موجز الانباء و مش محتاج لتفصيل

Monday, January 19, 2009

الهرم اتهد

صحيت من النوم فى عز البرد
قالولى خبر معرفتش بعده ارد
قال ايه الهرم اتهد.........
ومدخل القناة اتسد...........
والحكومة بتفكر تبيع السد
البلد بتجيب درفها واحنا حاطين ايدينا على الخد
انا بقول نقفلها احسن ونروح ننضم لبلد اى حد
ولا اقولكم ممكن نعمل محاولة اخيرة بجد
فى مستورد كبير عندنا اسمه الحج بشند
لو يجيب لنا حكومة وحاكم فرز اول تصنيع الهند
يمكن نعرف معاهم نبنى هرم جديد بدل اللى اتهد
و نشق فرع نيل تانى فى الصحراء من ورا السد
يا اخونا فوقوا واتفقوا على كلمة واحدة ما تترد
و محدقش يقولى نستنى لأول الاسبوع الجاى يوم الحد
حنفضل لحد امتى نأجل عمل اليوم للغد
ده الهرم اتهد

البنت البيضة


يا بنت يا بيضة يا منورة القاعدة
عيونك سرقت عيونى من كل الناس اللى قاعدة
ضحكتك بترن فى ودانى
مش سامع حد تانى
الزمن وقف قدامى
ونسيت نفسى ومكانى
يا بنت يا بيضة يا منورة القاعدة

قالو عن الحب من اول نظرة
ومن ساعة قلبى ما شافك وهو فى ازمة
بيدق دقة ورا دقة ورا دقة
مشتاق اليكى وانتى هناك فى الركن قاعدة
يا بنت يا بيضة يا منورة القاعدة

قلبى قالى قربلى منها خلينى المح ضيها
كل اما قرب يقولى انت لسا ماعرفتها
مش ديه البنت اللى كنت فى الحلم شوفتها
و كنت لما تمشى فى الشوارع تدورعلى ضلها
ربك اراد و لما اراد حققلك المراد
لقيتها بين ايديك وقدام عينيك حسب المعاد
و يوم ما شوفتها صبح اجمل الاعياد

ابتسامتها حاجة كدا مش عادية
وكلها على بعضها مش طبيعية
لا تقولى ملاك ولا جنية
ولا نجمة فى السما معدية
و برضو مش زينا انسية
البنت البيضة اللى فى الركن قاعدة

عجبى

عجبى على اللى كانوا هنا من قبلنا
تعبوا و خططوا عشانا احنا فى وقتنا
حفروا القناة بدمهم اللى هو برضو دمنا
و حاربوا من بعدها عشان يامموها و ترجع ملكنا
و من فلوسها بنوا السد اللى من ساعتها حامى مصرنا
عارفين بتجيب كام ميت مليون فى الشهر لنا
طب احنا عملنا ايه بيهم لنفسنا و اولادنا من بعدنا
ده احنا كمان خصخصنا كل حاجة و بنبيع تراب ارضنا
والحجة كانت ان احنا بنخسر و مش عارفين ندير اللى يخصنا
ما كنش ينفع تبعتونا نتعلم و نيجى نعلم اهلنا
ولا اللى اشتروها يملكوا من العلم شئ ما يفهمهوش الاغبياء اللى زينا
و عجبى على اللى كانوا هنا من قبلنا

Thursday, January 8, 2009

الأزمة المالية

بيقولوا فى أزمة مالية عالمية
ووقفت حركة التجارة الدولية
و حيوقف نمونا فى الدولة المصرية
وحترخص فى كل حتة وتغلى عندنا العربية
انا بقى عندى حل مية مية
حيملى الخزانة فى كل الوزارات المعنية
قاللى عليه الفانوس اللى مخبيه فى النملية
اسئلونى ايه هو يا اسطى عطية

انا ببساطة دعكت الفانوس
قال يا اخوانا الوضع مش ميئوس
تنزل الست هيفاء فى الشوارع تبوس
البوسة بخمسة دولار للمواطن المنحوس
اللى فى اخر الطابور حيستنى ويلوس
اما ذوات النفوذ فسككهم يتاخد فيها دروس
وبكدا حتلموا كتير قوى من الفلوس
وتريحوا كتير من النفوس
اللى عايزا تنول زى الواوا شوية بوس
والستات فى ميعاد النوم هيجلها كابوس
خليهم يتغاظوا ويبطلوا زن زى الناموس
ايه رايكم فى الحل مش بجد مدروس
عفارم عليك يا عفريت مستخبى فى الفانوس

Wednesday, January 7, 2009

Dream

I am just a strange traveler on this land
Watching the life around while lying on the sand
Looking for similar spirits with clear hand
Who can build a better world in our land

My eyes can't see all the beauty in this life
There are many people killed with a knife
There are many minds spoiled with a kife
And in theory they said: this is a better life

The freedom has a novel meaning on earth
Do anything you want whatever it worth
Ethics are good unless it opposes your wealth
Religions are some stories not applicable on earth

When i sing with all the voices; no one hear
It is different than how they want to appear
And instead they force the words in my ear
Be as we want and don't be a different gear

I am still singing at the highest mountain
I can foresee beauty of rainbow colors after the rain
I imagine walking then through water of the fountain
I hope a better morning is coming in the next train

Once upon time in my life I had a dream
I feel some days it has become just steam
But it is still guiding me as a light beam
And i will never give up on my dream

Egyptian Soul

You may ask who am I? I am an Egyptian soul. Ancient Egyptians say we are made up of 5 parts: "Ren", "Ka", "Sheut", "Ba", and "lb". You can know my "Ren" easily; it is written in the blog. You can feel my "Ka" since I am talking now to you. My "sheut" is not important at all; you can say about it a bullshit. You should take care about my "Ba" and "Lb", if you are really interested about me. I am a modern Egyptian Soul.

To know more about Egyptian Soul, see
http://en.wikipedia.org/wiki/Egyptian_soul .

Hint: Ren=name , Ka=life force, Sheut= Shadow, Ba= individual personality, lb=heart.

حدوتة عصرية

كان ياما كان فى حاضر العصر والاوان
حكيم رحال قاللوا عنه انه حكيم هالزمان
بيطوف يتعلم من كل كائن مهما كان
قابل بالصدفة مرة اميرة حزينة تايهة فى الوديان
سألها مالك قالتلوا مش لقيا نفسى فى هذا المكان
نفسى احس انى اميرة بجد مش مجرد اسم لانسان
الدنيا قاسية عليا مش حاسة فيها بالامان
وبحلم اكون اميرة لفارس يخطفنى معاه عالحصان
رد الحكيم: يا اميرة المشكلة فى البشر مش فى المكان
لو نضفنا من جوا ضمير هالانسان
حينصلح الحال و تلاقى نفسك قبل ما يفوت الاوان
و كل بنت زيك فى مكانها تبقى زهرة فى بستان
سألتوا بشغف وفين الائي هالانسان
اللى ضميره اغلى من اللؤلؤ والمرجان
قالها الحكيم اسئلى رب كل الاوطان
عاطى كل الرزق الوهاب المنان
يوجد فى طريقك فارس خطوته تهز الاركان
يفجر من جواكى الفرحة تثوركالبركان
تحسى فوق حصانه انك ست الحسن اميرة هالزمان
قالتلوا يا حكيم كلامك اطيب من حب الرمان
ادانى ثقة بالنفس وامل فى الحب والحنان
لكن عندى لك سؤال: انت ليه وحدك رحال فى هذا الزمان
قالها يا اميرة لما الدنيا فسدت وازداد الطغيان
الحكمة اصبح ملها ثمن والحب ضاع من الحسبان
وانا وحدى لسه بدور على ست الحسن اللى تديلى كل الحنان
قالتلوا يا حكيم كلامك نور طريقى وحسسنى بالامان
ليه ماكونش لك ست الحسن و تكونلى فارس هالزمان
قالها ومنين تضمنى انك تلاقى معايا نفسك واكونلك العاشق الولهان
قالت من حكمتك اتعلمت ان الضمير هو اهم شئ فى الانسان
وان الضامن هو رب الكون خالق الفرحة فى الوجدان
و انا حاسة ان ضميرك هو الرهان اللى معاه هكون اميرة فى اى مكان
ابتسم الحكيم و قال: اخيرا لقيت غايتى من غير اى نقصان
اتفضلى يا اميرتى معايا على الحصان
نطوف سوا فى كل الاماكن والبلدان
نعلم الناس العشق ونسعادهم يتمردوا على الظلم والطغيان
اتنهدت الاميرة وقالت انا معاك يا حكيم الزمان
حكمل معاك المشوار وحكون سعيدة اينما كنت ومهما كان
وعاش الحكيم والاميرة قصة حب تحاكا عنها فى كل مكان
و انجبوا حكماء واميرات احييوا الضميرفى كل انسان