ولا مجرد حلم في تاريخ شعب بقا خلاص غلبان.
الخلاص مش محتاج لبطل همام.
وفارس علي حصان ينطلق من غير لجام.
الخلاص عمل بإخلاص علي منهج علمي يفيد الناس.
و مفيش أنانية و مفيش محسوبية،
و حب الوطن مايبقاش بس كلمتين في اغنية.
او صوت عالي ينادي من بعيد للحرية.
لازم كلنا نصرخ في نفس واحد صرخة قوية.
بلدنا محتاجة ديمقراطية.
عنتر كان بطل في رواية ما كنش لينا فيها دور من البداية.
إنما حياتنا عيب نعيشها كومبارس للنهاية.
و الشجاعة تبقي نعدي الشارع في الاشارة مغمضين.
الطريق ضلمة و احنا بردو معديين.
يا نكون اد الحياة يا حنعيش طول الطريق تايهين.
نادوا بصوت عالي للحرية.
واصرخوا في نفس واحد صرخة قوية.
بلدنا محتاجة ديمقراطية.
Posts
